محليات

بالصورة | الشاب ‘حسين’ أمضى 20 عاماً على كرسي متحرك … واليوم، بعد 5 سنوات على ‘خطواته الاولى’، يوجه رسالة مؤثرة !!

نشر الشاب “حسين عامر” اليوم بمناسبة اليوم العالمي لذوي الاحتياجات الخاصة:

الفرق بين الصورتين يمكن هو بس المدة الزمنية بالنسبة الي،
ما شي تغيّر.. هيدا نفس الشخص.. نفس التفاؤل، نفس الطموح ونفس الحب.. بعمرها هيدي المشاعر ما ارتبطت بإجر او إيد او اي طرف من اطراف الجسم!

عمري هلأ ٢٥، قضيت ٢٠ سنة منهم مُقعد على كرسي متحرك ما بعمري تعَيَبِت فيها وبعتبر الفترة هيدي كانت نعمة خلت لحياتي معنى عرفتني عرسالتي بالحياة وخلتني عيش صعوبات مضاعفة عالصعوبات لي بعيشها أصلاً المواطن اللبناني يومياً..

بهيدي الفترة عرفت وشفت شو يعني ضعف الدولة وعرفت انك اذا ما كنت قد حالك ما حدا بيوقف جنبك غير الله وأهلك وبعض المخلصين!

انا اليوم بشكر ربي على نعمه الدايمة وما بعتبر حالي غير معني برسالة أصحاب الهِمم.. انا اليوم مسؤوليتي أكبر برفع صوت كل شخص منهم، وقاطع وعد عنفسي اني ابذل قصارى جهدي لتسليط الضوء دايماً على قدراتهم وطاقاتهم!

ب #اليوم_العالمي_لأصحاب_الإحتياجات_الخاصة مش مسموح حرمان شخص من أدنى حقوقه بالتعليم والعمل والتنقل وغيرها!

على مشارف ال ٢٠٢١ مش مسموح أبداً تهميش هيدي الطاقات!

زر الذهاب إلى الأعلى