بالفيديو | كارمن لبس لنجيب ميقاتي … “بينعملّك تمثال”
نشرت الممثلة كارمن لبس فيديو عبر حساباتها على مواقع التواصل الاجتماعي، وقالت: “أنا صرلي فترة مقرّرة ما بدّي إحكي سياسة وما بدّي فوت بهيدي المتاهات يللي الواحد ما بيعرف وين رايحين، وطبعاً لو ما في بعض من هيدا الشعب بعدو لاحق زعيمو وطائفتو كان وضعنا بألف خير”.
وتابعت لبس: “قرّرت ما إحكي بس في شي استفزّني من يومين وهو تصريح دولة الرئيس نجيب ميقاتي انو الكهربا والتلفون وببلاش وانو مصريّاتكن بالمصارف وبدنا نتحمّل بعض”. وتساءلت كارمن: “نتحمّل شو؟ ما نحنا متحمّلينكن، هيدي ما بتكفّي لوحدها؟ وبعتقد اللي معو مصاري شوي هو اللي بيساعد الما معو مصاري”.
وتوجّهت كارمن لبس الى رئيس الحكومة اللبنانيّة نجيب ميقاتي بالقول “بما انو الشعب كلّو ما معو مصاري وما عاد في طبقة وسطى، لو بتتبرّع بـ3% من مصرياتك، واعتبرن زكاة قبل رمضان، بينعملك تمثال، ومنصير منحلف فيك”.
شو رأيك بالفكرة؟ @Najib_Mikati #كارمن_لبس #لبنان pic.twitter.com/9oiPRmnrHi
— Carmen Lebbos – كارمن لبس (@C_lebbos) February 11, 2022