دياب | البلد عم يواجه تحديات استثنائية وهناك تفلت واعتداء ع مراكز الأمن وكأن الأمور مش تحت السيطرة وين الأجهزة الأمنية؟ وين القضاء؟ شو دورهم بفرض هيبة الدولة؟

الرئيس حسان دياب:

للمجلس الأعلى للدفاع: “إسرائيل” اعتدت على سيادة لبنان مجددا وخرقت القرار ١٧٠١ مبارح عبر تصعيد عسكري خطير

العدو عم يدفش لتعديل مهام اليونيفيل وقواعد الاشتباك معنا لذا أدعو للحذر بالأيام الجاية لأني متخوف من انزلاق الأمور للأسوأ في ظل التوتر الشديد على حدودنا مع فلسطين المحتلة

البلد عم يواجه تحديات استثنائية وهناك تفلت السلاح واعتداء ع مراكز الأمن وكأن الأمور مش تحت السيطرة

وين الأجهزة الأمنية؟ وين القضاء؟ شو دورهم بفرض هيبة الدولة؟ كيف فينا نفرض الأمن بمنطقة وما فينا نفرضه بمنطقة تانية؟

يلي عم بصير ما بده توافق سياسي، بده قرار أمني جدي وحازم

لازم نكون جاهزين للتعامل مع ارتدادات استحقاق 7 آب، موعد صدور الحكم بقضية اغتيال الرئيس الشهيد رفيق الحريري

بحسب معلوماتنا، المعنيين بهالقضية رح يتعاطوا معها بشكل مسؤول لوقف الاصطياد بالماء العكر يلي قد يلجأ له البعض. مواجهة الفتنة أولوية وما لازم يكون في أي تساهل بهالموضوع

نحنا بمرحلة جديدة بحربنا ضد وباء كورونا ولازم ناخد إجراءات صارمة لحماية أهلنا ومجتمعنا
لازم التشدد بتطبيق القرارات بكل المناطق وممنوع التساهل

قررنا إقفال البلد جزئيا من اليوم، وكليا من نهار الخميس ل5 أيام، منرجع منفتح يومين، ومنسكر 5 أيام ونقيّم الاجراءات

#بتضامننا_ننجح